其實由上年年尾開始，已經聽過唔少玉桃苑唔好既評價，包括steven自己親身參加同事婚宴都麻麻地，所以噚日假期都專登約左幾pair都係book左玉桃苑既新人，齊齊上去搵tina傾下。

去之前我地約左o向麥記大家見左面先, 順便將個problem list再睇多次, 都傾左半個鐘有多先上去，去到都3點幾4點，岩岩過左茶市，d客人都陸續走，我地埋去搵tina，佢見到我地好噩然，以為我地係傾big day既野就太早啦，我將個來意講明，佢睇落有d黑面，講左3分鐘有多佢先話叫我地坐低傾。

 一坐低佢好似對我地有d敵意，裝哂'kon'，本來我都有少少開場白想講，佢已經即時stop我，係咁叫我直接d啦，我心諗我已經好直接啦bor，咪就係你地d service有問題囉，佢話好耐之前(02~03年咁上下)都曾經有批新人(廿幾對)一齊上去搵佢傾，言下之意我地得4 pair人算係小兒科，我話佢d問題包括waiter黑面，冇禮貌，唔夠chair........等等等等，佢都冇正面回答，講得最多果句係十隻手指有長短，又話我地係以訛傳訛，我話係steven同cathy親身黎飲過，同埋身邊都有唔少朋友黎過呢度飲都話d service唔得，tina既回應係：呢d只係一小部分既response，佢o向呢到做左6~7年，聽到既feedback係好既囉，每個人既要求都唔同，有人話d野好食，有人話唔好.....之後仲講左好多佢d客既case比我地聽，當然我地都冇心機聽啦，不過聽得出佢係以為我地係黎質詢，so我好快解釋佢知我地目的唔係咁樣，只係上黎反映我地既擔心，之後先見佢d態度開始放鬆，仲同我地有講有笑，我心諗係你自己想得嚴重左之嘛

不過此行目的都達到左既，起碼比佢知道外間而家對佢地service既評價係negative既，雖然佢死撐，但佢亦冇理由認衰仔話自己d service差ga嘛，比著係我都死撐啦~仲有就係我地一直以為service唔好既係d part time黎，點知佢話佢地大部分都係full time黎，真係出乎意料之外!!最後佢強調，每對新人big day前都會約上黎呢到傾個schedule，到時會問明婚宴重點係放o向邊到，好似有d人話最緊要serve得外母開心，有d就話最緊要顧住老細果台(升唔升職都靠佢嘛)，所以每對新人重點都不同，到時最緊要講清楚wor (佢咁講都有d道理既)。

之後佢就話6月會換全新金啡色椅套 (心諗到我時都唔新啦)，而10月會換backdrop color，不過佢話而家仲未揀到岩既color wor，至於唯一我好buy佢既係，為左方便d新人，佢地特別有一間房提供(入面有埋掛衫既架)，等我地big day前1日可以將d衫、油畫、相簿放o向到，而且房仔有2道門，其中一道係可以o向商場果面開既(當然有鎖既)，咁就算有人擺緊酒，我仍然可以放d野入去而唔使打擾人地既婚宴囉。

最後大家都傾到5點幾先走，佢仲話已經認得哂我地，咁最好tim啦，到時希望佢知我地呢幾pair人係有要求既人，唔會懵盛盛唔留意d service就好順攤咁比tips佢囉!