第一間最近係中原，咁咪入去8下囉，見佢出面廚窗寫3房700幾尺都係248萬嘛!!一入去，一個應該係BRANCH MANAGER既人招呼我地，仲話即刻就行得上去睇現樓，咁梗係即刻行動啦!

個單位O向16樓，面積700幾尺，一入去個感覺麻麻地，間屋好暗，又多雜物，又寧寧捨捨O向廳後面有間房&廚房，個間格唔係好中意囉，至於個VIEW對我黎講OK既，對內園景，望到泳池，其實我對VIEW冇乜特別要求囉，但個大房窗台騎呢到爆，得3尺左右，都唔知點咁，個經紀仲話可以放張床上去，我心諗你係咪傻GA，莫非你想我整2張3尺單人床呀?逗留左15分鐘就閃人LU~真係再減10%我都唔會買囉

第2間O向隔離果座42樓，面積899尺，VIEW同第一間差唔多，但呢間一入去個感覺唔同哂囉!舒服好多﹗不過相信佢都係一個炒家盤啦，入面D設備好新淨又冇傢私，問個經紀幾多錢，佢話330萬WOR，但我明明O向樓下聽佢老細講話280萬左右，仲有得講價TIM，唔係我都唔跟佢上黎睇啦，頂~呢個經紀都係信唔過囉~!

之後再睇左3間899尺既單位，一間2樓望到少少海景，其餘兩間都係內園，又發現呢條經紀講野唔經大腦，佢同我講向海單位越高越平，內園就越低越貴，你老闆真係當我LULU，呢少少concept我唔會唔識囉唔該

睇完返到去shop，佢就仲離譜，我問多一次42樓果個單位幾錢，佢居然話363萬，有冇病呀???仲懶係叫隔離條茂利上hsbc即時check個價我睇wor，之後果3個盤，佢都話over 330萬，痴根既，我拎住份生果報佢睇，岩岩先講緊將中5座中層899尺，成交價308萬ja，仲有出面佢個牌都寫295萬啦，佢居然話係業主反價，而家叫310萬，真係火都黎，呢家呢個時世仲有人反價，佢真係以為我得3歲智商囉之後死問我地個target price係幾多，我話出面寫295，我起碼都還10%啦，即係over 280萬你都唔使同我講野，佢居然同我講話冇可能wor，點會冇可能呀，股市都跌番去萬幾點啦，冇話冇可能囉!!42樓果個單位你叫363萬，咁冇理由可以還到超過80萬囉，我死話未到價唔使傾，之後起身走人，佢條白痴死追出黎，驚我行去隔離香港置業到睇，最後o向惠康撇甩佢，人地香港置業同一個單位叫緊290萬ja，仲有得議價，頂你個制，托價托到咁真係離乜譜，你話你獨家盤我唔同你拗者，呢d市場價都好open ga啦，而家唔係買棵菜啦，我又點會唔貨比3家就即刻同你買先得ga，真係以後買樓都唔會幫趁佢呀!!