由於我份新工勁催我返工既關係，星期6我返公司即時通知hr manager個last day要提前到星期2。

今日一返工，條副總就打我內線問我做乜走得咁急，我亦好坦白咁話佢知，我要返新工囉，佢即時好假咁話恭喜哂，問我返邊到，事關佢地好怕d舊員工會轉去d行家到做，我咪答佢返中環囉，佢即刻話，哎呀，食飯好貴ga wor，真係up埋d廢話，之後又死話要請我食飯，話我算係公司既老員工wor，之前我都已經推左一次ga啦，果次佢仲話搵埋其他dept既主管一齊食，我都話到明唔想食d咁official既飯，而家同d所謂主管好熟咩，到走都要食呢d政治飯?加上我係因為不滿公司而離開既，佢地請我食飯都只係做場戲比公司d同事睇者，証明d關係仲係好融洽丫嘛!!!

不過今次佢話只係同dept既人食，我就唯有應承啦，去到一坐低，個小家西人就扮哂野dup低頭玩電話，全程都冇點講過野，做男人做到佢咁小家真係食蕉啦，錢又唔使你比!!!

最好笑係，公司個超級8婆都係岩岩先知，佢仲走去最遠個dept問人地知唔知我唔做，人地話知，激到佢黑哂面，仲話，係呀，我呢d外人梗係唔知啦，真係有病，我又冇同你有親戚關係，你又講得岩囉，你真係外人呀!!仲有同事以為我有左要安胎先唔唔做，真係笑死我!