2008/10/13都真係好耐冇update下個blog，係時候要講下近況...............(非常長篇)

呢個月發生特別多野，最大單都莫過於要離開一間做左7年幾既公司，本來o向呢間公司都做得好開心ga，不過自從我舊老總幾年前退左休，我舊老頂又走左之後，一切都變哂lu，轉左由一個超級小家小器自卑兼自大既賤男人做我dept head，我舊老頂都係比佢耍陰招迫走ga ja，唔係既話，以佢一個中三畢業，中英文唔識多隻既人又點可以做到呢個位呢?

正因為佢英文字都唔識多隻，所以由我負責既出口業務就直接report比條副總聽，變相我就唔使直接同賤男人有太多溝通，不過佢上場之後都不斷做d小動作去副總到篤我背脊，應該話唔止篤我，係部門所有同事佢都篤!!! 咁証明左d咩呢，咪就係証明你條pk管治不力，管唔掂班o靚，要由條副總出面去干涉囉! 咁高人工(都3皮幾野啦, 計埋bonus唔止tim呀)請你返黎就係識篤背脊? 難怪佢讀左個澳門大學遙距中文MBA都唔敢話比人聽啦，因為佢根本就唔識咩係管理。

其實佢上場之後，部門生意額都一直下滑，只有我負責既export & 上海office生意額係向上升，我唔係話讚自己，而係所有同佢無關既業務，少左佢個廢人阻定會變得smooth & efficient好多囉!!! 平時我地dept都比其他dept白眼ga，因為入親去開大會，永遠得佢一個o向到重覆又重覆d蠢問題，全場得佢一個人唔明跟唔到，阻慢哂d進度，2個hrs可以開完既會，多得佢變左double甚至triple既時間..........人地講野佢又訓，訓醒又要死問就係佢呢d人，有時連老總都頂佢唔順叫佢收聲唔好阻住大家食飯!

接近9月尾，佢d小動作越黎越多，因為10月就要交budget比集團，所以我都頂唔順，o孔佢&條副總唔o向office果日，直接扔左封信比hr manager

最好笑係佢第2日返左office都未知，hr manager原來冇通知佢，佢仲懶醒send左個email叫我做乜做乜，仲懶係 cc 哂比條副總同其他人，証明佢有比instruction我，點知我一個唔客氣，reply佢：我已經遞左信比hr，呢d新job請搵其他同事處理，以避免將來交接上出現問題!  我都已經留番少少face佢唔用英文覆ga啦，費事佢要查字典啦，呵呵

由9月25日佢收到呢個email開始，佢就已經冇再同我講過一句野，直到今時今日都仲未同我傾交接上既野，我都知佢d pk野ga啦，個人坐o向到佢又不聞不問，到人地走左啦，又話人咩都唔講低，以前走左d同事10個有10個都比佢o向背後咁樣唱，我都聽左唔少啦! 

佢最頂癮都莫過於同我最熟果位同事講，我離職既原因唔係因為佢個賤人，而係我做唔到副總要求我做既野，所以我先走wor，到呢一刻都仲想黎橫折曲，癲倒是非??? 今年公司對我所定下既target都已經meet哂兼有凸，請問我仲會有d咩係做唔到公司要求ga?  公司所有人，遠至廣州、上海甚至北京既同事都知道我走係咩一回事啦，人地有眼睇ga，難道你而家講幾句就會有人咁蠢信你講既先係真?? 

真係慶幸我可以早走早著，因為呢間所謂既大公司，老總同財務總監返工對住部notebook睇stock多過睇公司文件，hr manager 話唔識計last employment date，部門經理可以唔識中英文，present時中文d錯別字多過小學生，仲要present既內容係空泛既，冇數字support，部門副經理可以話咩都唔關佢事，問佢咩都唔識，你問第個啦，仲要上年先開始識用email 同知咩係excel (知 ja wor，唔代表識用)，不過都多謝佢用咁高人工養左我呢個冗員咁多年，識我既都知我o向公司有幾得閒，仲可以準時放工，返到屋企睇到亞視6點鐘新聞，多謝!!!

不過最衷心要多謝果個梗係我既老公小小人啦，由始至終都係佢最support我，佢有叫我唔好搵野做等佢養ga，不過我又唔想咁後生就唔做野囉，等到我40歲時你再兌現呢句說話啦