踏入8月，我地要慶祝既活動開始頻繁起黎，今個月12號就係我地拍拖8週年紀念，近排我都開始留意下有d咩餐廳做緊promote，噚日咁岩比我見到黃金海岸酒店做緊promote，佢地有個原味燒buffet，7、8、9月生日既人可以有65折(平日)，計番即係2百幾蚊者，仲可以半價訂個蛋糕，嘩~我仲唔拿拿聲打去問咩，順便book埋佢酒店住一晚啦~住都有優惠，$888住海景套房一晚(已經包埋tax & service charge)，即刻就扑槌啦，點知佢幫我飛條線過去book buffet呢，一問11號佢話得番d outdoor位，嘩~有冇咁搶手呀，11號平日黎wor，暑假都係係者，d父母都咁得閒既? 好彩book埋佢住一晚，就算熱到一身汗都可以即刻走上去房沖涼，再唔係游下夜水都得啦~不過今朝真係好衰唔衰，我又忍唔到手，以前steven成日想比d驚喜我，但都比我無心咁揭穿哂，攪到佢勁冇癮，今朝當佢送我返工時，o向太子轉車，佢收d報紙入袋時，又比我目及到個粉紫色袋，我諗都冇諗就伸手拎，點知佢又阻止我wor，呢個時候我又知我衰左啦，我諗果張應該係卡黎囉，我即刻再同佢講，不如大家今年都唔好送gift比對方啦，因為呢排大家都使左唔少錢，佢又求其應左我就算，我諗佢都應該係準備左d野，不過我就梗係唔好再問啦