公司樓下間士多養左隻貓成日都大肚，一年起碼2-3次，咁岩最近又生左一胎3隻，佢d貓其實都幾搶手，每次都會比人預訂哂，佢見我咁中意貓又成日同隻貓玩，就問我要唔要啦，話等d bb戒左奶就可以見下，點知唔見由自可，一見就好想養，不過我同事個女又好中意，o向我未有準備之下就讓比佢養左先啦，點知佢地養左一晚，阿嫲唔係咁中意，所以我第2晚即時去接走佢啦

返到屋企放佢出黎時，佢成屋巡左2圈之後就已經習慣哂，開始同我地玩啦~佢都好痴人，訓覺要叫人抱，玩2個鐘又訓2個鐘

可能佢跟得貓媽多，仲有陣貓味好勁，所以第2朝(sat)我地好早就起身落街買d shampoo同貓沙啦，steven仲想買間貓屋佢訓wor，我話睇定d先啦。

返到去set好d野，佢已經自己識去廁所唔使我教，不過沖涼時都仲係好怕，叫哂救命咁，可能驚得滯，一沖完涼就大覺訓啦