隻臭be晏晝先打完第3支防疫針，夜晚返到去就已經龍精虎猛，仲跳上黎齊齊學打牌tim呀

爸be，你d牌好屎呀~

 (閱讀全文)

之前一心等HSBC封換領信加錢換電視啦，點知一波幾折，都唔知HSBC班友仔點做野GA，卒之要驚動到傳媒先至批埋第2封信比我，仲送多10萬分比我換野兼say sorry，o向到真係要多謝生果報，不過我都冇佢咁好氣，佢部SAMSUNG 40吋舊型號都要加$9990換，但SAMSUNG新型號610series 40吋都係$11800ja嘛，我都無謂益多佢9千幾蚊簽帳，用第2張卡拿拿林買部新既好過啦，至於佢送果2封換領信，我準備要黎換部相機再賣比大陸d同事，賺番950蚊人仔都好嘛 (為番都有hkd1000啦)，加上佢送果10萬分，大約可換到5張$100 q-pon，即係total攞番$1500，都幫補下部新tv ga

不過可惜既係個tv櫃要月尾先送黎，咁變相部tv & hifi都要月尾先有lu~唉~望梅止渴先啦~

封換領信我31號下晝先confirm接受，今日放工返到屋企就收到啦，算佢有番d效率啦!

上個月上左terence到睇相薄排版，第一次果個係打直既，感覺冇咁好，所以叫佢再執過，都足足攪左一個月先再收到佢電話上去睇第2次排版，今次打橫左個感覺幾好，只係有d細微既地方要fine tone，不過最攪笑係我地話恭喜佢就黎做新郎哥時，佢非常之surprise我仲話知道佢係3條8結婚，佢更加十個問號o向個頭到，我就死話係上大日子見到佢d相知既，佢梗係半信半疑啦，哈哈~不過佢無啦啦話有手信比我地wor，一望居然係本5R細相簿，我以為係我地package本身送果本啦，點知佢話唔係，因為呢本造時有少少瑕疵，d金屬相紙有一兩張痴左落隔離果張到，所以呢本係送比我地既，遲d會再比另外一本我，我變相就多左一本啦~hehe~呢本有瑕疵既拎比人睇都唔會心痛啦~

 (閱讀全文)

今年成日都好想放假去旅行，可能上次北歐個trip太正，攪到我念念不忘，不過亦由於呢個trip令我荷包太傷，加上近期買左好多屋企野而傷上加傷，所以今年都係去d短trip算啦，今次既目標係新加坡，因為steven有d舊同事o向果邊，都可以去聚一聚兼搵佢地做下導遊嘛，不過上網serach左下，d package都唔平，鬼咩，d油又貴，乜q都貴，去個3日都要4千銀，都未計食同玩不過下個月我生日就點都要去慶祝下既，多謝老公

踏入8月，我地要慶祝既活動開始頻繁起黎，今個月12號就係我地拍拖8週年紀念，近排我都開始留意下有d咩餐廳做緊promote，噚日咁岩比我見到黃金海岸酒店做緊promote，佢地有個原味燒buffet，7、8、9月生日既人可以有65折(平日)，計番即係2百幾蚊者，仲可以半價訂個蛋糕，嘩~我仲唔拿拿聲打去問咩，順便book埋佢酒店住一晚啦~住都有優惠，$888住海景套房一晚(已經包埋tax & service charge)，即刻就扑槌啦，點知佢幫我飛條線過去book buffet呢，一問11號佢話得番d outdoor位，嘩~有冇咁搶手呀，11號平日黎wor，暑假都係係者，d父母都咁得閒既? 好彩book埋佢住一晚，就算熱到一身汗都可以即刻走上去房沖涼，再唔係游下夜水都得啦~ (閱讀全文)

荒廢左個BLOG成個月啦，除左忙住湊隻臭be之外，就係忙住翻新屋企o勒! 因為呢間屋話哂都入左伙7年，雖然係近年先住得多d，但有d野都開始老化，即係又要扔d錢落去維修下囉。首先係D鋁窗，入伙時都覺得開合時好緊ga啦，咁岩最近法團有個免費鋁窗檢查，就搵個c父上黎checkcheck安全d嘛，費事d窗跌左落街整親人仲要賠錢就唔好啦﹗結果有幾隻窗既窗柄同拉釘要換，盛惠一隻金牛 (閱讀全文)

BEBE唔經唔覺就黎左我地屋企一個week啦，原先steven話養幾佢幾日睇下適唔適應先，因為我地兩個日頭返工，驚佢仲細留o向屋企唔知會點，點知Bebe黎左幾日之後，已經成功俘虜左steven個心啦都未夠3日，steven已經話要買呢買路比佢，又出街袋(話要帶比4大長老睇，好似當左佢係狗咁wor)又有玩具、又有貓草同衫仔，感覺真係好似做左人父母咁。

 (閱讀全文)